Sho‘rsoy mahallasi deputatining aholi murojaatlari bilan ishlash holati o‘rganildi

✅ Bugun Xalq deputatlari tuman Kengashi kotibiyati mudiri O‘.Y.Murodov tomonidan Sho‘rsoy mahallasida faoliyat olib borayotgan deputat S.Bahoviddinovning aholi murojaatlari bilan ishlash faoliyati hamda murojaatlarni ro‘yxatga olish daftarini yuritish holati o‘rganildi.

✅O‘rganish jarayonida fuqarolardan kelib tushgan murojaatlarni qabul qilish, ularni belgilangan tartibda ro‘yxatga olish, ijrosini ta’minlash va natijalari bo‘yicha murojaatchilarga javob berish amaliyoti tahlil qilindi. Shuningdek, murojaatlarning mazmuni, ularni hal etish choralari hamda nazorat ishlarining tashkil etilishiga alohida e’tibor qaratildi.

✅ Murojaatlarni ro‘yxatga olish daftaridagi ma’lumotlarning to‘liqligi va yuritilish tartibi ko‘zdan kechirilib, aniqlangan kamchiliklarni bartaraf etish hamda murojaatlar bilan ishlash samaradorligini yanada oshirish bo‘yicha tegishli tavsiyalar berildi.

✅ Fuqarolar murojaatlari bilan tizimli ishlash aholi muammolarini o‘z vaqtida hal etish, deputatlik faoliyatining ochiqligi va samaradorligini ta’minlashda muhim ahamiyat kasb etadi.