Qoraqalpog‘iston Respublikasi Vazirlar Kengashi, viloyatlar, Toshkent shahar va tuman (shahar)lar hokimliklariga tegishli mahalliy budjetdan mablag‘ bilan ta’minlanadigan budjet tashkilotlarida mavjud shtat birliklarining vazifa va funksiyalarini o‘rganish asosida past samarali va bir-birini takrorlovchi shtat birliklarini maqbullashtirish vakolati beriladi.

Bunda maqbullashtirilgan mablag‘lar Qoraqalpog‘iston Respublikasi Jo‘qorg‘i Kengesi, Xalq deputatlari viloyatlar, Toshkent shahar va tuman (shahar)lar kengashlari qarorlari asosida aholi tomonidan ko‘tarilgan ijtimoiy va ishlab chiqarish infratuzilmasi bilan bog‘liq dolzarb muammolarni bartaraf etish, shu jumladan, qo‘shimcha shtat birliklarini joriy etish uchun yo‘naltiriladi.

Asos: O‘zbekiston Respublikasi Prezidentining 2025-yil 26-dekabrdagi PQ-387-son qarori.