Shahardagi "Zarbuloq" mahallasida joylashgan, hududning oziq-ovqat sanoatida oʻz oʻrniga ega boʻlgan "Mirzaahmedov Biznes Plus" MChJ ish faoliyati va investitsion salohiyati kunlik reja asosida atroflicha oʻrganildi.

Ushbu oʻrganish tadbirida Kotibiyat mudiri Sevar Qodirova, shahar hokimining birinchi oʻrinbosari Shermuhammad Begiyev hamda mahalla hokim yordamchisi ishtirok etdilar.

Invistitsiya korxonasi asosan  sabzavotlarni konservalash, qayta ishlash hamda qishloq xoʻjaligi mahsulotlarini ishlab chiqaradi.

Oʻrganish davomida korxonaning ishlab chiqarish quvvatlarini kengaytirish va yangi investitsiya loyihalarini jalb etish masalalariga alohida eʼtibor qaratildi.
2017-yildan buyon barqaror rivojlanib kelayotgan ushbu korxona bugungi kunda nafaqat mahalliy bozorni sifatli va hamyonbop oziq-ovqat mahsulotlari bilan taʼminlamoqda, balki eksport faoliyatini ham muvaffaqiyatli amalga oshirib kelmoqda.
Shahar hokimligi va mahalla hokim yordamchisi tomonidan korxonaning eksport hajmini yanada oshirish, ishlab chiqarishga zamonaviy tejamkor texnologiyalarni joriy etish, qoʻshimcha investitsiyalar jalb qilish orqali yangi ish oʻrinlarini yaratish boʻyicha amaliy taklif va tavsiyalar berildi.

"Mirzaahmedov Biznes Plus" MChJ kabi eksportmabop korxonalarni har tomonlama qoʻllab-quvvatlash hudud iqtisodiyotini yuksaltirishda muhim drayver boʻlib xizmat qiladi.