Xalq deputatlari Farg‘ona viloyat Kengashi kotibiyat mudiri Sh.Karimov tomonidan navbatdagi yig‘ilish o‘tkazilib, unda hududiy Kengash kotibiyatlarining haftalik faoliyati atroflicha va tanqidiy-tahliliy asosda ko‘rib chiqildi. 

Yig‘ilish hafta davomida amalga oshirilgan ishlar sarhisob qilinib, erishilgan natijalar bilan bir qatorda yo‘l qo‘yilgan kamchiliklar ham ochiq muhokama etildi.

Mazkur yig‘ilishda Marg‘ilon shahar Kengashi kotibiyat mudiri A.Ermatov hamda bosh mutaxassislar Z.Yakubova va N.Akbarova Zoom platformasi orqali ishtirok etdilar.

Yigʻilishda kotibiyatlar faoliyatini yanada takomillashtirish, ish jarayonlarida tizimlilikni kuchaytirish, hujjatlar bilan ishlash sifatini oshirish hamda ijro intizomini mustahkamlash masalalariga alohida e’tibor qaratildi. Shuningdek, mavjud kamchiliklarni tezkor bartaraf etish va kelgusi haftada ishlarni yanada samarali tashkil etish yuzasidan aniq vazifalar belgilab olindi.

Marg‘ilon shahar Kengashi kotibiyati ham mazkur vazifalardan kelib chiqib, faoliyat samaradorligini oshirish, belgilangan topshiriqlarni to‘liq va o‘z vaqtida bajarish bo‘yicha ishlarni izchil davom ettiradi.