🏛 O‘zbekiston Respublikasi Prezidentining 2023-yil 11-sentabrdagi PF–158-son Farmoni bilan tasdiqlangan “O‘zbekiston–2030” strategiyasi doirasida shahar aholisini uzluksiz elektr energiyasi bilan ta’minlash borasida amalga oshirilayotgan ishlar yuzasidan Guliston shahar elektr tarmoqlari korxonasi boshlig‘ining hisoboti eshitilib, Xalq deputatlari Guliston shahar Kengashining tegishli qarori qabul qilingan edi.

🔎 Mazkur qaror ijrosi yuzasidan deputatlik nazorati doirasida Do‘stlik MFY hududidagi quvvati 250 kVA bo‘lgan 332-sonli transformator punktida olib borilayotgan mukammal ta’mirlash ishlari Xalq deputatlari Guliston shahar Kengashi deputati Nargiza Zafarova tomonidan joyiga chiqib o‘rganildi.

📝 O‘rganish davomida transformator punktida amalga oshirilayotgan ta’mirlash ishlari, ularning sifati hamda belgilangan talab va me’yorlarga muvofiqligi tahlil qilindi.

📌 Deputat tomonidan mazkur ishlarning o‘z vaqtida va sifatli bajarilishini ta’minlash yuzasidan tegishli tavsiyalar berildi. Ushbu yo‘nalishdagi ishlar doimiy nazoratda olib borilmoqda.