Xalq deputatlari Chilonzor tumani Kengashi deputati Mavlonov A'zam Qarshiyevich tomonidan tegishli mutasaddi tashkilotga rasmiy deputat so‘rovi yo‘llandi. 

Deputatlik okrugidagi “Katta Xirmontepa” mahallasi fuqarolari bilan o‘tkazilgan uchrashuvlar va deputat qabullari jarayonida hududdagi dolzarb muammolar chuqur o‘rganildi. O'rganishlar natijasida 20-mavze hududida joylashgan 18, 8/1, 8/2, 8/3, 1 va 15-sonli ko‘p qavatli uylar atrofidagi ichki yo‘llar va trotuarlarning holati qoniqarsiz ekanligi, ularning ta’mirtalab holatga kelib qolganligi qayd etildi. 

️Mazkur holatdan kelib chiqib, ichki yo‘llarni ta’mirlash va asfalt qoplamasini tiklash bo‘yicha choralar ko‘rish maqsadida, “Xalq deputatlari viloyat, tuman va shahar Kengashi deputatining maqomi to‘g‘risida”gi O‘zbekiston Respublikasi Qonunining 5 va 8-moddalariga muvofiq, mas’ul shaxslardan asoslantirilgan tushuntirish yoki o‘z munosabatini bildirish so'raldi.