Uchrashuv davomida o‘quvchi yoshlar bilan ochiq va samimiy muloqot olib borilib, ularning ta’limga bo‘lgan qiziqishi, kelajak rejalari hamda bugungi kunda duch kelayotgan muammolari muhokama qilindi.
Deputat tomonidan yoshlarga zamonaviy bilimlarni egallash, kasb tanlashda ongli yondashish va o‘z ustida doimiy ishlash zarurligi ta’kidlandi. Shuningdek, yoshlar uchun yaratilayotgan imkoniyatlar, imtiyozlar, ta’lim va bandlikka oid dasturlar yuzasidan tushuntirishlar berilib, ularning tashabbus va takliflari qo‘llab-quvvatlandi.