O‘zbekiston Respublikasi Prezidenti Shavkat Mirziyoyev rahbarligida amalga oshirilayotgan keng ko‘lamli islohotlar mamlakatimizning har bir jabhasida tub o‘zgarishlarni yuzaga keltirmoqda. Ushbu islohotlarning asosiy maqsadi – xalqimizning farovonligini oshirish, turmush darajasini yaxshilash va kelajakka ishonchini mustahkamlashdan iboratdir.

Islohotlar doirasida iqtisodiyotni liberallashtirish, tadbirkorlikni qo‘llab-quvvatlash, investisiya muhitini yaxshilash, yangi ish o‘rinlari yaratish va aholining daromadlarini ko‘paytirishga alohida e’tibor qaratilmoqda. Buning natijasida iqtisodiyotimiz jadal sur’atlar bilan rivojlanib, xalqaro maydondagi raqobatbardoshligi oshmoqda.

Shuningdek, ijtimoiy sohani rivojlantirish, ta’lim va tibbiyot sifatini yaxshilash, aholining ijtimoiy himoyasini kuchaytirish ham islohotlarning muhim yo‘nalishlaridan biridir. Yangi maktablar, bog‘chalar va tibbiyot muassasalarining qurilishi, ta’lim dasturlarining takomillashtirilishi va tibbiy xizmatlarning yaxshilanishi xalqimizning sog‘lom va bilimli bo‘lishiga xizmat qilmoqda.

Huquqni muhofaza qilish organlari faoliyatini takomillashtirish, sud-huquq tizimini isloh qilish, qonun ustuvorligini ta’minlash va inson huquqlarini himoya qilish ham islohotlarning muhim tarkibiy qismidir. Bu borada amalga oshirilayotgan chora-tadbirlar adolatli jamiyat qurish va qonuniylikni ta’minlashga qaratilgan.

Prezident Shavkat Mirziyoyevning xalq bilan muloqot qilish, ochiqlik va shaffoflikni ta’minlash borasidagi tashabbuslari aholining davlatga bo‘lgan ishonchini oshirmoqda va islohotlarning muvaffaqiyatli amalga oshirilishiga zamin yaratmoqda.

Xulosa qilib aytganda, O‘zbekistonda amalga oshirilayotgan islohotlar xalq manfaatlarini ta’minlashga, mamlakatning ravnaqiga va kelajak avlodlarning farovon hayotini yaratishga qaratilgan muhim qadamdir.

Xalq deputatlari Navoiy shahar Kengashi deputati

Mirzayev Javoxir Fazliddin o‘g‘li