📌 PQ-141-sonli qaror ijrosi o‘rganildi

Oynako‘l mahallasida infratuzilma yanada yaxshilanmoqda

Xalq deputatlari tuman Kengashi raisi Abdumalik Nomozov Oynako‘l mahallasida o‘rganish olib bordi.

O‘zbekiston Respublikasi Prezidentining 141-sonli qarori asosida amalga oshirilayotgan “Qishloq joylarni rivojlantirish loyihasi” doirasida Qamashi tumanidagi Oynako‘l mahallasida ham qator muhim infratuzilma loyihalari hayotga tatbiq etilmoqda.

Xususan, mahallada 620 o‘quv o‘rinli 18-sonli umumta’lim maktabi binosini mukammal ta’mirlash ishlari olib borilmoqda. Shuningdek, 330 o‘quv o‘rinli yangi umumta’lim maktabi binosini qurish ishlari ham boshlangan.

Bundan tashqari, hududda aholi uchun qulaylik yaratish maqsadida 4 kilometr uzunlikdagi piyodalar yo‘lakchasi tungi yoritish chiroqlari bilan birga barpo etilmoqda.

Ayni paytda amalga oshirilayotgan qurilish va obodonlashtirish ishlari ustidan jamoatchilik nazoratini ta’minlash maqsadida tuman Kengashi raisi Abdumalik Nomozov tomonidan o'rganilib borilmoqda.