Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov va kotibiyat xodimi N.Kurganova tomonlaridan tumanning “Do‘stlik” mahallasida joylashgan 17-sonli umumta’lim maktabini yangi o‘quv yiliga tayyorgarlik holati o‘rganildi.

🔻O‘rganish jarayonida maktabdagi sinf xonalari va yo‘laklarda ta’mirlash ishlari amalga oshirilib, ular yangi o‘quv yilini munosib kutib olish uchun tayyor holatga keltirilgan. Xonalar tartibga keltirilib, o‘quvchilar uchun qulay va shinam ta’lim muhiti yaratish borasida zarur ishlar olib borilgan.

🔻Shuningdek, joriy o‘quv yilida 1-sinfga qabul qilinadigan o‘quvchilar uchun Prezidentimiz sovg‘alari ham tayyorlab qo‘yilgan. Jumladan, bolajonlarga topshirilishi belgilangan maktab sumkalari, daftarlar va boshqa zarur o‘quv qurollari jamlanib, belgilangan tartibda tarqatishga shay holatga keltirilgan.

🔻Deputat tomonidan o‘rganish davomida ta’lim muassasasining yangi o‘quv yilini sifatli va munosib boshlashi, o‘quvchilar uchun xavfsiz hamda qulay sharoitlarni yanada yaxshilash bo‘yicha amalga oshirilayotgan ishlar ijobiy baholandi. Shu bilan birga, mavjud kamchiliklarni o‘z vaqtida bartaraf etish, maktab hududini obodonlashtirish va ta’lim sifatini oshirishga qaratilgan ishlarni izchil davom ettirish yuzasidan tegishli tavsiyalar berildi.