HUDUDNI OBODONLASHTIRISH VA SANITARIYA HOLATI O‘RGANILDI

Xalq deputatlari Toyloq tumani Kengashi kotibiyati mudiri N. Mo‘minova hamda tuman Agroinspeksiyasi inspektori E. Karimov tomonidan 13-Xo‘jaqishloq saylov okrugiga qarashli Yastepa va Xo‘jaqishloq mahallalaridagi markaziy ko‘chalarning obodonlashtirish va sanitariya holati o‘rganildi.

O‘rganish davomida aholi tomonidan tashlab ketilgan maishiy chiqindilar hamda xas-xashaklarni olib chiqish, hududni obodonlashtirish va sanitariya holatini yaxshilash masalalariga e’tibor qaratildi.

Aniqlangan holatlar yuzasidan tuman Obodonlashtirish bo‘limi hamda Ekologiya bo‘limi mas’ullari bilan bog‘lanilib, tegishli choralarni ko‘rish bo‘yicha kelishib olindi.

Hududning obodonligi va sanitariya holatini yaxshilash masalasi deputatlik nazoratiga olindi.