O‘rganish jarayonida turli sabablar tufayli o‘zaro kelishmovchiliklar yuzaga kelgan ikki oila bilan alohida suhbatlar tashkil etildi. Unda oila a’zolarining fikr-mulohazalari tinglanib, mavjud muammoli vaziyatlarning kelib chiqish sabablari atroflicha o‘rganildi. Suhbatlar davomida oila — jamiyatning eng muhim va muqaddas bo‘g‘ini ekani, oilada tinchlik va totuvlikni asrash har bir oila a’zosining mas’uliyati ekani ta’kidlandi. Shuningdek er-xotin o‘rtasidagi o‘zaro hurmat, sabr-toqat, kechirimlilik, murosa va
bir-birini tushunish oilaviy totuvlikning muhim omillari ekanligi hayotiy misollar asosida tushuntirildi. Ayniqsa, oiladagi kelishmovchiliklarning farzandlar tarbiyasi va ularning ruhiy holatiga salbiy ta’sir ko‘rsatishi mumkinligi, shu bois har qanday muammoni tinch yo‘l, o‘zaro muloqot va murosa orqali hal etish lozimligi haqida tavsiyalar berildi. 

 Samimiy suhbatlar va tushuntirishlar natijasida oilalar o‘rtasidagi kelishmovchiliklarni bartaraf etish, o‘zaro hurmat va totuvlikni tiklash bo‘yicha kelishuvlarga erishildi. Ikki oila yarashtirilib, ularning tinch va farovon hayot kechirishiga ko‘maklashildi.  

 Mazkur oilalarning keyingi hayoti ham mahalla faollari va deputatlar e’tiborida bo‘ladi. Kelgusida oilalarda sog‘lom muhitni mustahkamlash, kelishmovchiliklarning qayta yuzaga kelishining oldini olish hamda oilaviy qadriyatlarni asrash maqsadida ular bilan muntazam ravishda manzilli ishlar olib boriladi. 

👇Bizni kuzatishda davom eting👇 

🇺🇿 Xalq deputatlari Uchko‘prik tumani Kengashi