🔍IIV Jamoat xavfsizligi departamenti Yo‘l harakati xavfsizligi xizmati boshlig‘i Murodbek Sherliyev Toyloq tumanidagi “Nuroniy” mahallasiga borib, aholi bilan uchrashdi. Unda tuman hokimligi mutasaddilari, soha vakillari hamda deputatlar ishtirok etib, mahalladagi yo‘l infratuzilmasining holati, aholi va yo‘l harakati ishtirokchilarining xavfsizligini ta’minlash masalalari muhokama qilindi. Ayniqsa, maktab o‘quvchilarining xavfsiz qatnovini ta’minlashga alohida e’tibor qaratildi.

🔍Uchrashuv davomida mahallada joylashgan 55- va 46-maktab o‘quvchilarining maktabga xavfsiz kelib-ketishlarini ta’minlash maqsadida piyodalar yo‘lagini tashkil etish, yo‘l infratuzilmasini yaxshilash hamda harakat xavfsizligini ta’minlash bo‘yicha zarur choralarni ko‘rish belgilandi. Belgilangan vazifalar asosida hududda amaliy ishlarni amalga oshirish, o‘quvchilar va boshqa yo‘l harakati ishtirokchilari uchun xavfsiz hamda qulay sharoit yaratish ko‘zda tutilmoqda.