Xalq deputatlari Qo‘qon shahar Kengashi deputati I.Fayzullayevning fuqarolar bilan o‘tkazgan qabuli davomida Sadoqat saylov okrugi hududidagi “A.Navoiy” mahallasida joylashgan Yangi yo‘l ko‘chasini ta’mirlash masalasi ko‘tarilgan edi.

Fuqarolar tomonidan ko‘chaning yo‘l qoplamasini ta’mirlash va asfaltlashtirish yuzasidan bildirilgan murojaat deputat tomonidan o‘rganilib, tegishli tashkilotlar bilan hamkorlikda ijobiy hal etildi.

️Natijada Yangi yo‘l ko‘chasida asfaltlashtirish ishlari boshlab yuborildi. Amalga oshirilayotgan ta’mirlash ishlarining borishi deputat I.Fayzullayev tomonidan shaxsiy nazoratga olinib, ish jarayoni joyiga chiqib ko‘zdan kechirildi.

Deputatga mazkur o‘rganish va nazorat ishlarida Xalq deputatlari Qo‘qon shahar Kengashi kotibiyati mudiri A.Nosirov hamrohlik qildi.

Fuqarolar murojaatining amaliy yechim topishi natijasida mahalla aholisining transport va piyodalar harakati uchun yanada qulay sharoit yaratish imkoniyati kengaymoqda.

Xalq deputatlari Qo‘qon shahar Kengashi