🏘 FUQAROLAR MUROJAATLARI O‘RGANILDI

🤝 Xalq deputatlari Sherobod tumani Kengashining 25-Boyqishloq saylov okrugi deputati, Kotibiyat mudiri O. Tursunov hamda Kotibiyat bosh mutaxassisi Sh. Xo‘janazarov tomonidan Boyqishloq mahallasi fuqarolarining murojaatlari o‘rganildi.

📋 O‘rganish jarayonida fuqarolar tomonidan ichimlik suvi ta’minoti, ichki yo‘llarni ta’mirlash, shuningdek, suyultirilgan gaz ballonlari o‘z vaqtida yetkazib berilmayotgani bilan bog‘liq masalalar yuzasidan murojaatlar bildirildi.

🔎 Murojaatlarda ko‘tarilgan masalalar atroflicha o‘rganilib, ularni ijobiy hal etish yuzasidan tegishli mas’ullarga deputatlik so‘rovlari yuborish hamda muammolarni qonuniy tartibda hal etish choralarini ko‘rish belgilandi.

📌 Fuqarolar murojaatlarini o‘z vaqtida o‘rganish va ularning muammolariga amaliy yechim topish — deputatlik faoliyatining muhim yo‘nalishlaridan biridir.

🤝 Xalq bilan muloqot — muammolarga yechim sari muhim qadam!

Xalq deputatlari Sherobod tumani Kengashi kotibiyati matbuot xizmati.