Umid mahallasida ichki ko‘chalarni asfaltlash ishlari o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Muborak Astanovalar tomonidan 13-Umid saylov okrugi hududidagi Umid mahallasida amalga oshirilayotgan ichki ko‘chalarni asfaltlash ishlari o‘rganildi.

O‘rganish jarayonida mahalla hududidagi yo‘l infratuzilmasini yaxshilash, aholi uchun qulay va xavfsiz harakatlanish sharoitlarini yaratish maqsadida olib borilayotgan asfaltlash ishlari ko‘zdan kechirildi.

Shuningdek, bajarilayotgan ishlarning sifati, belgilangan talablar asosida olib borilishi hamda yo‘l qoplamalarining mustahkamligi yuzasidan mas’ullar bilan fikr almashildi.

O‘rganish yakunlari bo‘yicha aniqlangan masalalar yuzasidan tegishli tavsiya va takliflar bildirilib, ichki ko‘chalarni asfaltlash ishlarini sifatli hamda belgilangan muddatlarda yakunlash bo‘yicha vazifalar belgilab olindi.