Ishonch mahallasida yo‘l qurilishi ishlari o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toyirovlar tomonidan 24-Chinor saylov okrugi hududidagi Ishonch mahallasida amalga oshirilayotgan yo‘l qurilishi ishlari o‘rganildi.

O‘rganish davomida hududda olib borilayotgan yo‘l qurilishi, yo‘l infratuzilmasini yaxshilash, piyodalar uchun qulay sharoitlar yaratish hamda obodonlashtirish ishlari ko‘zdan kechirildi.
Shuningdek, qurilish ishlarining sifatli bajarilishi, belgilangan talablar asosida olib borilishi va ishlarning o‘z vaqtida yakunlanishiga alohida e’tibor qaratildi.

O‘rganish yakunlari bo‘yicha aniqlangan masalalar yuzasidan tegishli tavsiya va takliflar bildirilib, yo‘l qurilishi ishlarini sifatli davom ettirish hamda hudud infratuzilmasini yanada yaxshilash bo‘yicha vazifalar belgilab olindi.