TUMAN HOKIMI XALQ DEPUTATLARI TUMAN KENGASHI DEPUTATLARI HAMDA KENG JAMOATCHILIKKI MUROJAAT BILAN CHIQDI 

Xalq deputatlari Quva tuman Kengashining navbatdagi 27-sessiyasi kun tartibidagi masalalar doirasida O‘zbekiston Respublikasi Prezidentining 2026-yil 15-iyuldagi
“2026-yil 27–28-aprel kunlari Farg‘ona viloyatiga tashrifi davomida hamda viloyat faollari ishtirokida o‘tkazilgan yig‘ilishda berilgan topshiriqlar
to‘g‘risida”gi 30-son bayonida belgilangan vazifalar ijrosi yuzasidan xalq deputatlari Quva tuman Kengashi deputati, tuman hokimi X.Umarov tuman Kengashi
deputatlari hamda keng jamoatchilikka murojaat bilan chiqdi. 

Murojaat davomida davlat rahbari tomonidan belgilab berilgan ustuvor vazifalarning mazmun-mohiyati hamda ularni 2026-yil yakuniga qadar to‘liq va sifatli amalga
oshirish bo‘yicha ko‘rilishi lozim bo‘lgan chora-tadbirlar atroflicha bayon etildi. 

Xususan, hududlarga investitsiyalarni jalb etish, tadbirkorlikni rivojlantirish, yangi ish o‘rinlari yaratish, aholi bandligini ta’minlash, kambag‘allikni qisqartirish, inflyatsiya darajasini 6,5 foizdan oshirmaslik, muhandislik-kommunikatsiya va ijtimoiy infratuzilmani yanada takomillashtirish,huquqbuzarliklar profilaktikasini kuchaytirish, jinoyatchilikka qarshi kurashish, jamoat xavfsizligini ta’minlashga qaratilgan vazifalarning o‘z vaqtida va samarali ijrosini ta’minlash muhimligi ta’kidlandi.