Xalq deputatlari Mirzo Ulug‘bek tumani Kengashi deputati, O‘zbekiston XDP a’zosi Kim Vitaliy Gennadevich “Mahallada obodonlik va mehr-saxovat” oyligi doirasida “Yangi Kamolot” mahallasiga tashrif buyurdi.

Oylik doirasida mahallalarning faol fuqarolari tomonidan mahalla hududini yanada obod va ko‘rkam qilish maqsadida keng ko‘lamli obodonlashtirish ishlari bo‘yicha hasharlar tashkil etildi.

Shu bilan birga, mehr-saxovat tadbirlari ham o‘tkazilib, ijtimoiy himoyaga muhtoj oilalar holidan xabar olindi, ularga amaliy yordam va ko‘mak ko‘rsatildi.

Mazkur tashabbuslar mahallalarda ozodalikni ta’minlash, aholi birdamligini mustahkamlash hamda mehr-oqibat va hamjihatlik muhitini yanada kuchaytirishga xizmat qilmoqda.