Xalq deputatlari Qo‘qon shahar Kengashi deputati R.Talipdjanov tomonidan yuborilgan deputatlik so‘rovi yuzasidan "Navro‘z" mahalla fuqarolar yig‘ini tomonidan o‘rganish ishlari olib borilib, rasmiy ma’lumotnoma taqdim etildi.

O‘rganish davomida Navro‘z MFY, A.Navoiy mavzesi 105/21-uyda yashovchi fuqaro M.Musayevaning oilaviy va ijtimoiy holati joyiga chiqib o‘rganildi. Fuqaroning murojaati asosida yashash sharoiti, oilaviy tarkibi hamda ijtimoiy qo‘llab-quvvatlash masalalari yuzasidan tegishli ma’lumotlar yig‘ildi.

Ma’lumotnomada qayd etilishicha, fuqaro 2026-yil mart oyida uy-joyini yangidan ta’mirlash maqsadida "Ijtimoiy reyestr" dasturiga kiritish uchun murojaat qilgan. Dastlab murojaati rad etilgan bo‘lsa-da, keyinchalik fuqaro tomonidan qayta murojaat qilinib, 2026-yil 13-iyul kuni uning yangi arizasi qabul qilingan va hozirgi vaqtda belgilangan tartibda ko‘rib chiqilayotgani ma’lum qilingan.

Deputatlik so‘rovi asosida masala mutasaddi tashkilotlar tomonidan nazoratga olinib, fuqaroning murojaati yuzasidan tegishli tartibda ishlar olib borilmoqda.

Xalq deputatlari Qo‘qon shahar Kengashi