Keńes deputatı rayondaǵı avtomobil jollarınıń jaǵdayı, jol belgileri, svetoforlar, piyadalar ótiw orınları hám háreketti tártipke salıwǵa qaratılǵan infrastruktura obektlerin úyrendi ….

Xalıq deputatları Shımbay rayonlıq Keńesine 5-sanlı “K.Nurlıbaev” saylaw okruginen saylanǵan deputat, Keńes sekretariat baslıǵı M.Zarikeev, Shımbay rayonı Ishki isler bólimi jol háreketi qáwipsizligi toparı aǵa inspektorı podpolkovnik B.Kaniyazov hám tiyisli taraw wákilleri  menen birgelikte ámeldegi 2025-jıl 30-dekabr kúngi “Jergilikli mámleketlik hákimiyat uyımlarınıń jumısı jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler hám qosımshalar kiritiw haqqında”ǵı 1109-sanlı Ózbekstan Respublikası nızamınıń 75-statyasına muwapıq, Xalıq deputatları Shımbay rayonlıq Keńesiniń gezektegi sessiya kún tártibine kiritilgen máselesi boyınsha Ishki isler bólimi jol háreketi qáwipsizligi toparınıń rayonda jol háreketin shólkemlestiriw hám háreket qáwipsizligin támiyinlewde ámelge asırılıp atırǵan jumıslar barısın úyrendi.
Sonıń menen birge, avtomobil jollarınıń jaǵdayı, jol belgileri, svetoforlar, piyadalar ótiw orınları hám háreketti tártipke salıwǵa qaratılǵan infrastruktura obektleri kózden ótkerildi.
Sonday-aq, háreket qatnasıwshıları ushın qáwipsiz hám qolaylı sharayat jaratıw, jol-transport hádiyseleriniń aldın alıw hám jol háreketi mádeniyatın arttırıw boyınsha alıp barılıp atırǵan jumıslar dodalandı.
Úyreniw nátiyjelerine kóre anıqlanǵan mashqalalardı saplastırıw, jol háreketin nátiyjeli shólkemlestiriw, háreket qáwipsizligin bekkemlew jáne de xalıqtıń múrájatlarında kóterilgen máselelerdi sheshiw boyınsha tiyisli usınıslar bildirildi. Atap ótilgenindey, jol háreketi qáwipsizligin támiyinlew hám transport hám piyadalar ushın qáwipsiz ortalıq jaratıwǵa qaratılǵan jumıslar izbe-iz dawam ettiriledi.