Xalq deputatlari Zangiota tumani Kengashining 14-saylov okrugi deputati Zafar Nazarov o‘z saylov okrugidagi "Nazarbek" shox ko‘chasida istiqomat qiluvchi fuqaro M. Rasulovaning murojaatini joyiga chiqib o‘rgandi.

Murojaatda fuqaroning betobligi sababli davolanishi uchun moddiy yordam ko‘rsatish masalasi ko‘tarilgan.

Deputat tomonidan murojaat yuzasidan amaliy choralar ko‘rilib, M.Rasulovani davolash uchun order olishga ko‘maklashish hamda tegishli tashkilotlar bilan hamkorlikda ushbu masalani ijobiy hal etish bo‘yicha ishlar olib borilmoqda.

Fuqarolarning murojaatlarini o‘rganish va ularning muammolariga amaliy yechim topish deputatlik faoliyatining ustuvor yo‘nalishlaridan biri bo‘lib qolmoqda.