Deputatlik nazorati: tadbirkorlik faoliyatiga ko‘mak

Xalq deputatlari Pastdarg‘om tumani Kengashi deputati O‘.Shukurov tomonidan Do‘rmonsoy mahallasida o‘rganish ishlari olib borildi.

O‘rganish davomida mahalladagi hokim yordamchisining faoliyati, xususan, tadbirkorlar va hunarmandlarga yaratilayotgan imkoniyatlardan samarali foydalanishda ko‘rsatayotgan ko‘magi tahlil qilindi.

Shuningdek, mahalla tadbirkori — tikuvchi Halilova Sevaraning murojaati joyiga chiqib o‘rganildi.

Tadbirkor tomonidan tikuvchilik faoliyati yo‘lga qo‘yilgani, hozirda uning qo‘l ostida 3 nafar shogird mehnat qilayotgani aniqlandi.

Suhbat davomida Sevara Halilova kelgusida faoliyatini yanada kengaytirish, jumladan, Hunarmandlar uyushmasiga a’zo bo‘lish istagi borligini bildirdi.

Deputat tomonidan tadbirkorga mavjud imkoniyatlardan foydalanish, faoliyatini rivojlantirish hamda zarur masalalarni hal etishda amaliy ko‘mak berish yuzasidan tegishli tavsiyalar berildi.