Xalq deputatlari Bekobod shahar kengashi mahalliy byudjet, tadbirkorlikni rivojlantirish va iqtisodiy islohotlar bo‘yicha doimiy komissiya a’zolari U.Abdunazarov, K.Shukurov, S.Samatov ishtirokida investitsiya dasturiga kiritilgan 5-sonli umumta’lim maktabida amalga oshirilayotgan ishlar o‘rganildi. Viloyat kengashining qarorida
ushbu maktab 1320 o‘rinli ko‘rsatilgan bo‘lib, haqiqatda esa 1926 o‘rinli maktab hisoblanadi. Bugungi kunda aniqlashtirilgan investitsiya dasturidagi 12400,0 mln.so‘mlik dasturdan deyarli 90 foiz ish hajmi bajarilgan. Doimiy komissiya a’zolari tomonidan to‘siqsiz muhit yaratish bo‘yicha eshiklarni tag qismidagi to‘siqlarni olib tashlash,
qurilish chiqindilarini yig‘ishtirish va olib chiqish, yong‘inga qarshi gidrantlarni o‘rnatish ishlarini tezlashtirish, shuningdek, yuqori turuvchi tashkilotlarga murojaat etib, binoning o‘quvchilar quvvatidagi farqni ham to‘g‘rilash
yuzasidan tavsiyalar berildi.