22-Katput saylov okrugida yirik loyiha muhokamada


 

Farg‘ona viloyat Turizm boshqarmasi Ijro intizomi, murojaatlar bilan ishlash bo‘limi boshlig‘i, tuman Kengashi deputati O‘.Otaboev Oltiariq tuman hokimi, tuman Kengashi deputati Sh. Turdaliyev va mutasaddilar bilan mazkur masalani muhokama qilishdi. Ma’lum bo‘lishicha 22-Katput saylov okrugida Rishton–Oltiariq chegarasida zamonaviy ansambl-darvoza barpo
etish rejalashtirilmoqda. Loyihada: milliy me’morchilik uslubidagi muhtasham kirish darvozasi; piyodalar uchun xavfsiz o‘tish yo‘lagi; kuzatuv maydonchasi; dam olish va sayyohlar uchun qulay hududlar; hudud tarixi va madaniy merosini aks ettiruvchi badiiy kompozitsiyalar; zamonaviy yoritish va obodonlashtirish elementlarini joylashtirish nazarda tutilgan. Mazkur
tashabbus amalga oshirilsa, u nafaqat Oltiariq tumanining zamonaviy qiyofasini yanada boyitadi, balki hududning turistik jozibadorligini oshirish, mehmonlarda ilk ijobiy taassurot uyg‘otish hamda aholi uchun yangi jamoat makonini yaratishga xizmat qiladi.