Xususiylashtirish dasturi ijrosi tahlil qilindi 

Xalq deputatlari Qo‘shko‘pir tumani Kengashi kotibiyati bosh mutaxassislari S.
Matyaqubova va A. Erkinov tomonidan navbatdagi VII chaqiriq,
32-sessiya kun tartibiga kiritilgan Qo‘shko‘pir tumani hokimining birinchi
o‘rinbosari S. Pirnapasovning xususiylashtirish dasturi ijrosi yuzasidan
hisoboti to‘g‘risidagi masala joyiga chiqib o‘rganildi. 

O‘rganish jarayonida xususiylashtirish dasturi doirasida amalga oshirilayotgan ishlar,
belgilangan vazifalarning bajarilish holati, davlat mulki obyektlarini samarali
boshqarish va ulardan oqilona foydalanish yuzasidan olib borilayotgan
chora-tadbirlar atroflicha tahlil qilindi. Shuningdek, dastur ijrosining
amaldagi holati, erishilgan natijalar hamda mavjud muammolar o‘rganilib, ularni
bartaraf etish bo‘yicha tegishli taklif va tavsiyalar ishlab chiqildi. 

Mazkur o‘rganish deputatlik faoliyatida qonuniylik, ochiqlik va shaffoflik
tamoyillarini ta’minlash, sessiyada ko‘rib chiqiladigan masalalarni puxta
tayyorlash hamda xalq deputatlari tomonidan samarali deputatlik nazoratini
amalga oshirishga xizmat qiladi.