MAHALLIY BUDJET DAROMADLARI VA SOLIQ TUSHUMLARI MUHOKAMA QILINDI

Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishida tuman Soliq inspeksiyasi rahbari N. Razzaqovning mahalliy budjet daromadlari ijrosi, qo‘shimcha daromad manbalarini aniqlash, soliqlar va boshqa majburiy to‘lovlar tushumi hamda soliq qarzdorligi holati yuzasidan hisoboti ko‘rib chiqildi.

📈 Hisobotda qayd etilishicha, 2026-yil II chorak yakunlari bo‘yicha mahalliy budjetga tushumlar prognozi 60,9 mlrd so‘m etib belgilangan bo‘lib, amalda 76,5 mlrd so‘m yoki 125,6 foiz miqdorida bajarilgan.

Shuningdek, budjet tushumlari bo‘yicha yana bir prognoz ko‘rsatkichi 34,8 mlrd so‘mga nisbatan 46,2 mlrd so‘m (132,5 foiz) miqdorida ijro etilgani ta’kidlandi.