DEPUTAT TADBIRKOR FAOLIYATI BILAN TANISHDI

Xalq deputatlari Pastdarg‘om tumani Kengashi deputati Nodir Dusmurodov Mang‘itobod mahallasida bo‘lib, mahalladagi hokim yordamchisining faoliyati bilan tanishdi hamda hududda tadbirkorlikni qo‘llab-quvvatlash bo‘yicha amalga oshirilayotgan ishlarni o‘rgandi.

Shuningdek, deputat hokim yordamchisi hamrohligida Yaxshi Niyat ko‘chasida faoliyat yuritayotgan, mebel ishlab chiqarish bilan shug‘ullanuvchi tadbirkor Nomozov Akmalning ishlab chiqarish sexida bo‘ldi.

Uchrashuv davomida tadbirkorning faoliyatini kengaytirish maqsadida imtiyozli kredit olish bo‘yicha murojaati, ishlab chiqarish quvvatini oshirish, yangi ish o‘rinlari yaratish hamda biznesni rivojlantirish istiqbollari muhokama qilindi.

🤝 Deputat tomonidan tadbirkorlik subyektlarini qo‘llab-quvvatlash, ularning murojaatlarini o‘rganish va mavjud masalalarni hal etishda mas’ul tashkilotlar bilan hamkorlikni kuchaytirish yuzasidan tegishli tavsiyalar berildi.