Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat U.Aripbayev tomonidan tumanning “S.Raximov” mahallasida barpo etilayotgan turar joy, savdo va xizmat ko‘rsatish majmuasi loyihasi o‘rganildi.

O‘rganish davomida qurilish ishlarining tasdiqlangan loyiha hujjatlari asosida olib borilayotgani, qurilish-montaj ishlarining sifati, mehnat muhofazasi va texnika xavfsizligi talablariga rioya etilishi, muhandislik-kommunikatsiya tarmoqlarini barpo etish ishlari hamda qurilishning belgilangan muddatlarda yakunlanishi yuzasidan amalga oshirilayotgan chora-tadbirlar tahlil qilindi.


O‘rganish jarayonida “Guli Sharq Qurilish” MChJ tomonidan olib borilayotgan qurilish ishlarining atrof-muhitga ta’siri, sanitariya talablariga rioya qilinishi, qurilish chiqindilarini o‘z vaqtida olib chiqish, qurilish maydonida tartib-intizomni ta’minlash masalalariga ham alohida e’tibor qaratildi. Shuningdek, turar joy, savdo va  xizmat ko‘rsatish majmuasida aholi uchun zamonaviy yashash sharoitlarini yaratish, ichki yo‘llar, piyodalar yo‘laklari, yashil hududlar, bolalar va sport maydonchalari, avtoturargohlar hamda ijtimoiy infratuzilma obyektlarini tashkil etish bo‘yicha rejalashtirilgan ishlar bilan tanishildi.