Xalq deputatlari Zomin tuman Kengashi deputatlari tomonidan saylov okruglarida hudud infratuzilmasi holatini o‘rganish bo‘yicha deputatlik nazorati tadbirlari tizimli ravishda amalga oshirilmoqda.

O‘rganishlar davomida ichimlik va sug‘orish suvi ta’minoti, elektr energiyasi, ichki yo‘llar, ko‘priklar, ijtimoiy soha obyektlari, obodonlashtirish va kommunal xizmatlar holati joyiga chiqqan holda tahlil qilinmoqda. Shuningdek, fuqarolar bilan uchrashuvlar o‘tkazilib, ularning murojaat va takliflari o‘rganilmoqda.

Aniqlangan muammolar yuzasidan mas’ul tashkilotlarga tegishli tavsiyalar berish, zaruratga ko‘ra deputat so‘rovlarini kiritish hamda amaliy choralar ko‘rilishi ustidan nazorat o‘rnatishga alohida e’tibor qaratilmoqda.

O‘rganish yakunlari bo‘yicha tayyorlangan tahliliy ma’lumotlar Xalq deputatlari Zomin tuman Kengashining tegishli doimiy komissiyalari yig‘ilishlarida muhokama qilinadi. Dolzarb masalalar esa Kengash sessiyasi kun tartibiga kiritilib, ularning ijrosi yuzasidan parlament nazorati doirasida muntazam monitoring olib boriladi.