O‘rganishlar davomida aholi tomorqa yerlarini sug‘orishda foydalaniladigan sug‘orish suvi ta'minotida uzilishlar va suv yetishmovchiligi mavjudligi, buning natijasida tomorqalardan samarali foydalanishda qiyinchiliklar yuzaga kelayotgani aniqlandi.

Shuningdek, hududni elektr energiyasi bilan ta'minlash tizimida, xususan, transformator quvvati va elektr tarmoqlarining holati bilan bog‘liq kamchiliklar mavjudligi ham o‘rganilib, mazkur muammolarni bartaraf etish bo‘yicha tegishli mas'ullar bilan muhokamalar o‘tkazildi.

Mazkur masalalarni ijobiy hal etish maqsadida quruvchi tashkilot rahbari bilan joyning o‘zida uchrashuv o‘tkazilib, muammolarning yechimi yuzasidan kelishuvga erishildi. Kelishuvga muvofiq, zarur texnik va tashkiliy choralarni amalga oshirish hamda muammolarni bosqichma-bosqich bartaraf etish bo‘yicha amaliy ishlarni boshlash belgilandi.