Xalq deputatlarining o‘z saylovchilari va jamoatchilik oldida hisobdorligi — ochiqlik hamda oshkoralikning asosiy garovidir.
Xalq deputatlari Termiz shahar Kengashining 15-Tuproqqo‘rg‘on saylov okrugi deputati D.Toshboyeva “Tuproqqo‘rg‘on” mahallasida saylovchilar bilan ochiq muloqot o‘tkazib, 2026-yilning o‘tgan 6 oyi davomida amalga oshirilgan deputatlik faoliyati yuzasidan batafsil axborot berdi.
Uchrashuvda mahalla faollari, nuroniylar, xotin-qizlar, yoshlar hamda ko‘plab mahalliy saylovchilar qatnashdilar. Deputat o‘z axborotida fuqarolar murojaatlari bilan ishlash, okrugda infratuzilmani yaxshilash hamda ijtimoiy ko‘mak ko‘rsatish bo‘yicha bajarilgan ishlarga alohida to‘xtalib o‘tdi.
Sayyor qabullar: O‘tgan 6 oy davomida hududda 2 marotaba ochiq sayyor qabul tashkil etildi;
Murojaatlar soni: Barcha uchrashuv va qabullar davomida 34 nafar fuqaroning murojaatlari ko‘rib chiqildi;
Ijobiy hal etilgani: Kelib tushgan murojaatlarning 13 tasi joyida va qisqa muddatlarda ijobiy hal etildi;
Nazoratdagi masalalar: Qolgan murojaatlar bo‘yicha tegishli tashkilotlarga deputatlik so‘rovlari yuborilib, ijrosi nazoratga olindi.
Uchrashuvda nafaqat murojaatlar bilan ishlash, balki quyidagi muhim yo‘nalishlarda amalga oshirilgan amaliy ishlar ham ta’kidlab o‘tildi:
Aholi bandligi: Ishsiz fuqarolar va yoshlarni bandligini ta’minlash hamda kasb-hunarga yo‘naltirish;
Ijtimoiy himoya: Kam ta’minlangan va "Ijtimoiy daftarlar"dagi oilalarni qo‘llab-quvvatlash;
Tibbiy ko‘mak: Surunkali xastaligi bor va davolanishga muhtoj fuqarolarga amaliy yordam berish;
Qonunchilik targ‘iboti: Yangi qabul qilinayotgan qonun va qarorlarning mazmun-mohiyatini aholiga sodda dilda tushuntirish.
Muloqot yakunida fuqarolar tomonidan mahalladagi infratuzilma va ijtimoiy soha bo‘yicha yangi taklif hamda murojaatlar bildirildi. Barcha murojaatlar deputat D.Toshboyevning murojaat daftariga rasmiylashtirilib, ularni hal etish yuzasidan amaliy vazifalar belgilab olindi.