Xalq deputatlari Tuproqqal’a tumani Kengashining navbatdagi sessiyasida Prezidentning Tuproqqal’a tumanidagi Xalq qabulxonasi mudiri o‘rinbosari Sh.Jangirovning 2026-yil 1-yarim yilligida murojaatlar bilan ishlash yuzasidan axboroti tinglandi.

Hisobotga ko‘ra, 2026-yil 1-iyul holatiga Virtual va Xalq qabulxonalariga 1 248 ta murojaat kelib tushgan. Ko‘rib chiqilgan 1 151 ta murojaatning 93,3 foizi qanoatlantirilgan bo‘lib, shundan 496 tasi ijobiy hal etilgan, 572 tasi huquqiy tushuntirish berish orqali hal qilingan.

Sessiyada murojaatlar bilan ishlash samaradorligini oshirish, takroriy murojaatlar sonini kamaytirish hamda fuqarolar muammolarini o‘z vaqtida hal etish bo‘yicha mas’ul tashkilotlarga tegishli topshiriqlar berildi.