#Deputatlik_faoliyati #Doimiy_komissiya_nazorati #Sessiya_oldi_organish #Kotibiyat_hududlarda #haftalik_ish_reja_ijrosi

XALQ DEPUTATLARI UCHTEPA TUMANI KENGASHINING NAVBATDAGI SESSIYASI KUN TARTIBIDAGI MASALA DOIRASIDA KUZ-QISH MAVSUMIGA TAYYORGARLIK HOLATI O‘RGANILDI

🇺🇿 Xalq deputatlari Uchtepa tumani Kengashining navbatdagi sessiyasi kun tartibiga kiritilgan masalalar ijrosi doirasida deputatlar tomonidan hududlardagi elektr ta’minoti holati joyiga chiqib o‘rganildi. Jumladan, "12-Nazarbek" saylov okrugi deputati, Kengashning agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi Xudayberganov Avaz Abrarovich tomonidan kuz-qish mavsumiga tayyorgarlik jarayoni hamda elektr ta’minotidagi mavjud holat ko‘zdan kechirildi.

⚡️ O‘rganish davomida Uchtepa tumani elektr tarmoqlari bo‘limi mas’ullari tomonidan “RP Vatanparvar” podstansiyasidan chiquvchi “Moskovskiy-1” fiderida yuzaga kelgan avariya sababli Katta Qani, Qoziguzar, Shirin (26-kvartal) mahallalari hamda Sharq Ziyoratgoh Guliston qurilish hududida elektr ta’minotida vaqtinchalik uzilishlar kuzatilgani haqida ma’lumot berildi.

📝 Deputatlar tomonidan mazkur holatning kelib chiqish sabablari, avariya-ta’mirlash ishlarining borishi hamda elektr ta’minotini qayta tiklash bo‘yicha ko‘rilayotgan choralar o‘rganildi. Shuningdek, kuz-qish mavsumida elektr tarmoqlarining barqaror ishlashini ta’minlash, mavjud muammolarni oldindan aniqlash va aholi uchun noqulayliklarni kamaytirish yuzasidan mas’ullarga tegishli tavsiya va topshiriqlar berildi.

📁 O‘rganish yakunida elektr ta’minotidagi uzilishlarni imkon qadar tezroq bartaraf etish, tarmoqlar va elektr qurilmalarining texnik holatini nazorat qilish hamda kuz-qish mavsumini betalofat o‘tkazish uchun zarur choralarni ko‘rish muhimligi ta’kidlandi. Mazkur masala deputatlik nazoratiga olinib, amalga oshirilayotgan ishlar va belgilangan vazifalar ijrosi nazorat qilib borilishi belgilandi.

💼 Jarayonda xalq deputatlari Uchtepa tumani Kengashi kotibiyati mudiri Anvar Usmanov hamda tegishli soha mas’ullari ishtirok etdi.