Xalq deputatlari Boyovut tumani Kengashi deputati Shayimova Xalnisa Yakubovna tomonidan fuqarolar murojaati asosida oilaviy masala joyiga chiqib o‘rganildi.

Mazkur murojaat yuzasidan Paxtakor va O‘zbekiston mahallalarida tegishli hamkorlar ishtirokida suhbat va tushuntirish ishlari tashkil etildi. Jarayonda Paxtakor mahallasi xotin-qizlar faoli Mingbayeva Feruza hamda O‘zbekiston mahallasi xotin-qizlar faoli Burxonova Nazira bilan yaqindan hamkorlik qilinib, mavjud masalani ijobiy hal etish bo‘yicha zarur choralar ko‘rildi.

Olib borilgan tizimli muloqot va hamkorlikdagi sa'y-harakatlar natijasida murojaatda ko‘tarilgan masala ijobiy yechim topib, oilada o‘zaro ahillik va totuvlikni mustahkamlashga erishildi.