Xalq deputatlari Andijon shahar Kengashining 2026-yil 31-iyul kuni bo‘lib o‘tishi rejalashtirilgan 20-sessiyasi kun tartibiga kiritilgan masalalar yuzasidan amaliy o‘rganish va tayyorgarlik ishlari izchil davom ettirilmoqda.

Mazkur jarayonda Xalq deputatlari Andijon shahar Kengashi deputati Х. Xolmatov, Kengash kotibiyati bosh mutaxassisi O. Olimjonov hamda Andijon shahar Ekologiya bo‘limi bosh mutaxassisi S. Abduqahorov ishtirokida sessiyada muhokama qilinadigan masalalar atroflicha o‘rganilib, tegishli hujjatlar tahlil qilinmoqda hamda taklif va tavsiyalar ishlab chiqilmoqda.

Bunday amaliy tayyorgarlik ishlari sessiya kun tartibidagi masalalarni har tomonlama puxta ko‘rib chiqish, asosli va samarali qarorlar qabul qilinishini ta'minlashga xizmat qiladi.

Hamkorlik va mas'uliyat asosida olib borilayotgan izchil ishlar Xalq deputatlari Andijon shahar Kengashi faoliyati samaradorligini yanada oshirishga xizmat qiladi.