#Kengash_sessiyalariga_oid

Korrupsiyaga qarshi kurashish yuzasidan tuman veterinariya va chorvachilikni rivojlantirish bo‘limida o‘tkazilgan o‘rganish natijalari to‘g‘risida Xalq deputatlari tuman Kengashining korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi raisi S.Maxkamovning axboroti Kengash sessiyasida muhokama qilindi.

Doimiy komissiya tomonidan o‘rganish davomida bo‘lim faoliyatida manfaatlar to‘qnashuviga olib kelishi mumkin bo‘lgan holatlar tahlil qilinib, amaldagi qonunchilik talablariga to‘liq rioya etilmayotganligi aniqlangan.

Xususan, bo‘lim tizimida faoliyat yuritayotgan ayrim xodimlar bir vaqtning o‘zida tadbirkorlik subyektlariga rahbarlik qilayotgani yoki ularning ta’sischisi sifatida faoliyat olib borayotgani ma’lum bo‘ldi.

Shuningdek, bir nafar xodimning boshqa davlat muassasasida ham mehnat faoliyatini olib borayotgani aniqlangan.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|