“Dolzarb 90 kun” dasturi ijrosi o‘rganildi

Xalq deputatlari Qiziltepa tumani Kengashining 2026-yil 9-iyundagi VII-22-45-5-72-K/26-sonli qarori bilan tasdiqlangan tumandagi yoshlarning yozgi ta’til davrini mazmunli, samarali va xavfsiz tashkil etish, ularning bo‘sh vaqtlarini foydali mashg‘ulotlarga jalb qilish hamda iqtidor va qobiliyatlarini ro‘yobga chiqarishga qaratilgan “Dolzarb 90 kun” chora-tadbirlar dasturi ijrosi yuzasidan monitoring olib borilmoqda.

Shu munosabat bilan tuman Kengashi kotibiyati mudiri
U. Bobojonov tumandagi 29-umumta’lim maktabida bo‘lib, o‘quvchilarning yozgi ta’til davrida bo‘sh vaqtlarini mazmunli tashkil etish borasida amalga oshirilayotgan ishlar holati bilan tanishdi.

O‘rganish davomida maktabda tashkil etilgan to‘garaklar, sport va madaniy-ma’rifiy tadbirlar, yoshlarning qiziqishlari asosida yo‘lga qo‘yilgan mashg‘ulotlar hamda ularning qamrov darajasi ko‘zdan kechirildi.