Xalq deputatlari Ishtixon tuman Kengashi deputati U.Nurmuxamedov o‘z saylov okrugidagi Qoraqo‘yli mahallasida Xalq deputatlari Ishtixon tuman Kengashi kotibiyati mudiri N.Kiyamov bilan birgalikda  mahallada xotin-qizlar faoli faoliyati va amalga oshirilayotgan ishlar samaradorligi o‘rganildi.

O‘rganish davomida mahalla xotin-qizlar faoli D.Alimova tomonidan 2026-yil boshidan buyon xotin-qizlarni ijtimoiy qo‘llab-quvvatlash, ularning bandligini ta’minlash, oilalarda sog‘lom ma’naviy muhitni mustahkamlash hamda huquqbuzarliklarning oldini olish borasida amalga oshirilgan ishlar tahlil qilindi.

Jumladan:

🔹 95 nafar xotin-qiz “Ayollar daftari”ga kiritilgan;

🔹 2 nafar xotin-qiz doimiy ish bilan ta’minlangan;

🔹 15 nafar xotin-qizning pillachilik yo‘nalishida bandligi ta’minlangan;

🔹 3 ta oilada yarashuvga erishilgan;

🔹 O‘zbekiston Respublikasi Prezidentining 33-son Farmoni ijrosi doirasida 1-son ixtisoslashtirilgan davlat umumta’lim maktabida ota-onalar va o‘quvchilar ishtirokida targ‘ibot uchrashuvi o‘tkazilgan;

🔹 Jinoyatchilik va huquqbuzarliklarning oldini olish maqsadida xotin-qizlar bilan muntazam davra suhbatlari tashkil etib kelinmoqda.

O‘rganish jarayonida mahallada xotin-qizlarning muammolarini manzilli hal etish, ularning bandligini oshirish hamda oilalarda ijtimoiy-ma’naviy muhitni mustahkamlash borasida olib borilayotgan ishlar ijobiy baholandi.

Shuningdek, kelgusida xotin-qizlarni tadbirkorlikka keng jalb etish, ularning daromad manbalarini ko‘paytirish hamda ijtimoiy himoyaga muhtoj oilalar bilan ishlash samaradorligini yanada oshirish yuzasidan tegishli tavsiyalar berildi.

Mahallalarda xotin-qizlarni qo‘llab-quvvatlash va ularning manfaatlarini ta’minlashga qaratilgan ishlar izchil davom ettirilmoqda.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)