ELEKTR TA’MINOTI INFRATUZILMASINI YANGILASH ISHLARI O‘RGANILDI

Xalq deputatlari Ohangaron tuman Kengashi 10-Toshariq saylov okrugi deputati, O‘zLiDeP a’zosi Nabiev Anvar G‘aniyevich tomonidan Toshariq mahalla fuqarolar yig‘ini hududida tuman elektr ta’minoti korxonasi tomonidan amalga oshirilayotgan eski simyog‘ochlarni yangilariga almashtirish ishlari joyiga chiqib o‘rganildi.

O‘rganish jarayonida hududdagi elektr uzatish tarmoqlarining bugungi holati, olib borilayotgan qurilish-montaj ishlarining sifati hamda aholi uchun xavfsiz va barqaror elektr ta’minotini ta’minlash masalalariga alohida e’tibor qaratildi.

Mutasaddi tashkilot vakillari tomonidan eski va yaroqsiz holga kelgan simyog‘ochlar bosqichma-bosqich zamonaviy va mustahkam tayanch ustunlariga almashtirilayotgani qayd etildi. Bu ishlar elektr ta’minotidagi uzilishlarning oldini olish, tizim barqarorligini ta’minlash hamda uning samaradorligini oshirishga xizmat qilishi ta’kidlandi.

Mazkur jarayonni tizimli ravishda davom ettirish, ishlarning sifatli bajarilishini ta’minlash hamda aholi manfaatlarini inobatga olgan holda amalga oshirish masalasi deputat tomonidan nazoratga olindi.