O‘zbekiston Respublikasi Vazirlar Mahkamasi tomonidan 2024-yil 11-oktyabrda qabul qilingan 665-sonli qaror asosida Marg‘ilon shahar Kengashining 2025-yil 14-maydagi VII-9-42-11-168-K/25-sonli qarori bilan bir qator ko‘chalar asfaltlashtirish dasturiga kiritilgan edi.

📍Ushbu ro‘yxatdan o‘rin olgan Mashad MFY hududidagi Zarafshon ko‘chasida ayni paytda asfaltlash ishlari olib borilmoqda. Mazkur loyiha aholining kundalik hayotini yengillashtirish, transport harakatini yaxshilash va hududning umumiy qiyofasini yanada obodonlashtirishga xizmat qiladi.

Jarayonlarni o‘rganish maqsadida hudud deputati M.Abdurahmonova tomonidan joyiga chiqib monitoring ishlari amalga oshirildi. O‘rganish davomida ish sifati va muddatiga alohida e’tibor qaratildi.

Shuningdek, aholi bilan suhbatlar o‘tkazilib, ularning fikr-mulohazalari tinglandi. Bu esa bajarilayotgan ishlarning ochiqligi va samaradorligini oshirishga xizmat qilmoqda.

Slide 1 of 4