Navbatdagi tadbir doirasida Termiz shahar Kengashiga “Adolat” sotsial-demokratik partiyasidan saylangan deputat A.Mustafakulov “Hududiy elektr tarmoqlari” AJ Surxondaryo hududiy filialida bo‘lib, tizim mutaxassislari bilan ochiq muloqot o‘tkazdi.

📌 Muloqot markazida: O‘zbekiston Respublikasining “Energiyani tejash, undan oqilona foydalanish va energiya samaradorligini oshirish to‘g‘risida”gi (O‘RQ-940-son, 07.08.2024-y.) Qonuni mazmun-mohiyati va uning amaliyotdagi ijrosi bo‘ldi.

Uchrashuv davomida quyidagi muhim masalalar muhokama qilindi:

🔹 Sohani modernizatsiya qilish va energiya yo‘qotishlarini kamaytirish;

🔹 Ish jarayonlariga innovatsion texnologiyalarni tatbiq etish;

🔹 Tizimni to‘liq raqamlashtirish orqali shaffoflik va samaradorlikni oshirish;

🔹 Mutaxassislarning sohani rivojlantirishga qaratilgan qiziqarli takliflari.

🤝 Ochiq va samimiy ruhda o‘tgan muloqotda xodimlar tomonidan yo‘llangan barcha savollarga deputat tomonidan atroflicha javoblar berildi. Bildirilgan takliflarni hayotga tatbiq etish bo‘yicha aniq amaliy chora-tadbirlar belgilab olindi.

Energiya tejamkorligi — nafaqat iqtisodiy samaradorlik, balki kelajak avlod oldidagi mas’uliyatimizdir!