DOIMIY KOMISSIYA YIG'ILISHI

Xalq deputatlari Yangiariq tumani Kengashining mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi.

✅Mazkur yig‘ilishda tumanni ijtimoiy-iqtisodiy rivojlantirishga qaratilgan qator muhim masalalar atroflicha muhokama qilindi:

✅ Ijtimoiy reyestrga kiritilgan, nogironligi bo‘lgan hamda mehnatga layoqatli a’zosi mavjud bo‘lmagan oilalar xonadonlarini ta’mirlash orqali ularning yashash sharoitlarini yaxshilash va energiya samaradorligini oshirish loyihasini moliyalashtirish masalasi ko‘rib chiqildi.

✅ O‘zbekiston Respublikasi Prezidentining ko‘p kvartirali uylarni boshqarish tizimini yanada takomillashtirishga qaratilgan qarori ijrosining tumandagi holati tahlil qilinib, mavjud muammolar va ularni bartaraf etish choralariga alohida e’tibor qaratildi.

✅ Mahalliy budjetlar barqarorligini ta’minlash, budjet mablag‘laridan maqsadli va samarali foydalanish hamda moliyaviy intizomni kuchaytirish yuzasidan amalga oshirilayotgan ishlar muhokama qilindi.

✅ Jamoatchilik fikri asosida shakllantirilgan loyihalarni saralash va ularni moliyalashtirish uchun “Fuqarolar tashabbusi jamg‘armasi” mablag‘larini oqilona yo‘naltirish masalalari yuzasidan taklif va tavsiyalar bildirildi.

✅“Yoshlar daftari” jamg‘armasi mablag‘laridan samarali foydalanish, yoshlarni qo‘llab-quvvatlashga qaratilgan tashabbuslarni kengaytirish masalalari muhokama markazida bo‘ldi.

✅ Tumanda hunarmandchilikni rivojlantirish, sohada mavjud imkoniyatlardan samarali foydalanish hamda normativ-huquqiy hujjatlar ijrosi yuzasidan “Hunarmand” uyushmasi tuman bo‘limi tomonidan hisobot taqdim etildi.

📌 Yig‘ilish davomida barcha masalalar yuzasidan tegishli qarorlar qabul qilinib, ularning ijrosini ta’minlash bo‘yicha aniq vazifalar belgilandi hamda ijro intizomini kuchaytirish yuzasidan mas’ullarga topshiriqlar berildi.

⚡️ Mazkur yig‘ilish tumanning barqaror ijtimoiy-iqtisodiy rivojlanishini ta’minlash, aholining turmush darajasini oshirish va tadbirkorlik muhitini yanada yaxshilashga xizmat qiladi.