“Korrupsiyaga qarshi kurashish va uning oldini olish” mavzusida yig‘ilish o‘tkazildi. Tadbirning asosiy maqsadi –
korrupsiyaga qarshi kurashish bo‘yicha amaldagi qonunchilikni tushuntirish, aholining huquqiy ongini oshirish, bu illatga qarshi kurashish borasida jamoatchilik faolligini ta’minlashdan iborat bo‘ldi. 

Yig‘ilishda tuman hokimi O.Mavlyanov, Xalq deputatlari tuman Kengashi raisi, Korrupsiyaga qarshi kurashish komissiyasi raisi A.Turdiyev, tuman Kengashi kotibiyat mudiri M.Xujanov, Korrupsiyaga qarshi kurashish va
xavfsizlik masalalari bo‘yicha doimiy komissiya raisi X.Tavasharov, tuman prokurori o‘rinbosari X.Eshqurbonov, Xalq deputatlari tuman Kengashi deputatlari, tuman korxona va tashkilotlari rahbarlari hamda mahalla yettiligi vakillari ishtirok etdilar. 

Tadbir davomida tuman prokurori o‘rinbosari X.Eshqurbonov hamda Korrupsiyaga qarshi kurashish va xavfsizlik
masalalari bo‘yicha doimiy komissiya raisi X.Tavasharovlar tomonidan O‘zbekiston Respublikasining “Korrupsiyaga qarshi kurashish to‘g‘risida”gi Qonuni, unda belgilangan asosiy tushunchalar, korrupsiya holatlari va ularning
oqibatlari haqida batafsil ma’lumot berildi. Qonunda nazarda tutilgan javobgarlik turlari, korrupsiyaviy holatlarning oldini olish mexanizmlari, davlat xizmatchilarining axloqiy kodeksi va boshqa dolzarb jihatlar real
misollar asosida tushuntirib o‘tildi.