Yig‘ilishda Xalq deputatlari Nurota tumani Kengashi raisi J. Mirzayev so‘zga chiqib, strategiyada belgilangan asosiy yo‘nalishlar, jumladan, aholi turmush darajasini oshirish, tadbirkorlik faoliyatini qo‘llab-quvvatlash, ijtimoiy sohani yanada rivojlantirish masalalariga alohida to‘xtalib o‘tdi.

Muhokama jarayonida deputatlar tomonidan strategiyani hududiy xususiyatlardan kelib chiqqan holda samarali amalga oshirish, belgilangan vazifalarning ijrosini ta’minlash yuzasidan tegishli taklif va mulohazalar bildirildi.

Yig‘ilish yakunida “O‘zbekiston – 2030” strategiyasi doirasida belgilangan chora-tadbirlar ijrosini ta’minlash, deputatlik nazoratini kuchaytirish, joylarda targ‘ibot-tashviqot ishlarini tashkil etish hamda jamoatchilik faolligini oshirish bo‘yicha aniq vazifalar belgilab olindi.