Xalq deputatlari Romitan tuman Kengashi deputati Jumayev Olimjon Bozorovich
tomonidan tumandagi faol nuroniylarga “Oʻzbekiston – 2030” strategiyasini
takomillashtirishni mazmun-mohiyati yetkazildi. 

Uchrashuv davomida “Oʻzbekiston – 2030”
strategiyasida belgilab berilgan ustuvor yo‘nalishlar, jumladan, aholi
farovonligini oshirish, ijtimoiy himoya tizimini kuchaytirish, bandlikni
ta’minlash, yoshlar va xotin-qizlarni qo‘llab-quvvatlashga qaratilgan
tashabbuslar haqida batafsil tushuntirishlar berildi. 

Shuningdek, “Oʻzbekiston – 2030”
strategiyasini ilgari surilgan islohotlarning joylarda ijrosini ta’minlash,
fuqarolarning faol ishtirokini kuchaytirish masalalariga alohida e’tibor
qaratildi. Mahallalardagi faol nuroniylar o‘zlarini qiziqtirgan savollar bilan
murojaat qilib, tegishli javoblar oldilar. 

Mazkur uchrashuv faol nuroniylar bilan ochiq
va samimiy muloqotni mustahkamlash, “Oʻzbekiston – 2030” strategiyasida
belgilab berilgan vazifalarning mazmun-mohiyatini keng jamoatchilikka yetkazish
hamda ularning hayotga tatbiq etilishida jamoatchilik faolligini oshirishga
xizmat qilgani ta’kidlandi.