“O‘zbekiston – 2030” strategiyasi: inson qadri va farovonlik yo‘lidagi muhim qadam

2026-yil 19-yanvar kuni tumanning “Qoraqo‘yli” mahallasida joylashgan 12-sonli umumta’lim maktabida “Ma’naviyat karvoni” doirasida aholi bilan muloqot uchrashuvi o‘tkazildi.

Tadbirda xalq deputatlari Bo‘ka tumani Kengashi deputatlari, tuman hokimligi mas’ullari ishtirok etdilar.

Yig‘ilishda so‘zga chiqqan Xalq deputatlari Bo‘ka tuman Kengashi kotibiyati mudiri A.Nishonov mamlakatimizda amalga oshirilayotgan keng ko‘lamli islohotlar, aholi farovonligini oshirish, inson qadrini ulug‘lash, ta’lim-tarbiya va sog‘liqni saqlash tizimini rivojlantirish, tadbirkorlikni qo‘llab-quvvatlash borasida belgilangan ustuvor vazifalar haqida gapirib o'tdi.

Ta’kidlanganidek, Prezidentimizning Murojaatnomasi hamda “O‘zbekiston – 2030” strategiyasi Yangi O‘zbekistonni barpo etishda muhim dasturiy hujjat bo‘lib, unda barcha sohalarni rivojlantirishga qaratilgan aniq maqsad va vazifalar belgilab berilgan.