Bugun Muzrabot tumani hokimi, xalq deputatlari tuman Kengashi raisi - Abdulla Mamatqulov tashabbusi bilan tuman hokimligida tumandagi texnikum va umumta’lim maktablarining bitiruvchi yoshlariga mo‘ljallangan “9-dekabr – Xalqaro korrupsiyaga qarshi kurash kuni”ga bag‘ishlangan “Ochiq eshiklar kuni” tadbiri tashkil etildi. Ushbu tadbirda tuman Kengashi deputatlari ham faol qatnashdilar.

Tadbir davomida yoshlarga tuman hokimligida korrupsiyaga qarshi kurashish, boshqaruvdagi ochiqlik va shaffoflikni ta’minlash yo‘nalishlarida amalga oshirilayotgan ishlar haqida batafsil ma’lumot berildi. Shuningdek, hokimlik majlislar zalida tuman hokimi, tuman Kengashi raisi - Abdulla Mamatqulov va tuman prokurori Islombek Xo‘jamurodov ishtirokida bitiruvchi yoshlar bilan ochiq muloqot o‘tkazildi. Unda korrupsiyaning salbiy oqibatlari, tumanda amalga oshirilayotgan islohotlar hamda kelgusidagi rejalarga oid tushuntirishlar berildi.

Tadbir yakunida yoshlarga hokimlik tizimi, bo‘lim va xodimlar faoliyati bo‘yicha amaliy tanishtiruv jarayonlari tashkil etildi.

Mazkur uchrashuv yoshlarda davlat boshqaruvidagi shaffoflik, halollik va mas’uliyat borasida tasavvurlarni yanada boyitishga xizmat qildi.