Kambag‘allikni qisqartirish yuzasidan mahalla yettiligi bilan uchrashuv

 Xalq deputatlari Sherobod tumani Kengashining 9-G‘o‘rin–Xakimobod saylov okrugi deputati Shoymonov Yo‘ldosh Rustamovich tashabbusi bilan O‘zbekiston Respublikasi Oliy Majlisi Senati Kengashining “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida” 2024-yil 29-noyabrdagi KQ-6-V-son qarori ijrosini ta’minlash maqsadida uchrashuv tashkil etildi. 

Uchrashuv davomida “Xakimobod” mahalla fuqarolar yig‘inining “mahalla yettiligi” a’zolari ishtirokida hududdagi kambag‘allik reyestriga kiritilgan oilalar holati o‘rganildi. Shuningdek,
ularning daromad darajasi tahlil qilinib, daromadi oshgan va o‘zini o‘zi ta’minlay oladigan oilalarni reyestrdan chiqarish masalalari yuzasidan fikr almashildi. 

Bundan tashqari, O‘zbekiston Respublikasi Oliy Majlisi Senati Kengashining 2025-yil 14-yanvarda qabul qilingan “Hududlarni rivojlantirish hamda aholi muammolarini hal etishda mahalliy
Kengashlar deputatlari va senatorlarning «mahalla yettiligi» bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-son qarorida belgilangan vazifalarning o‘z vaqtida va samarali amalga oshirilishini ta’minlash maqsadida hududda muntazam monitoring olib borilishi belgilab qo‘yildi.