Tashrif davomida TTBda tashkil etilgan bolalar bo‘limidagi elektron poliklinika tizimi, shuningdek, yangi davlat mexanizmlari va innovatsion yechimlar bilan tanishuv bo‘lib o‘tdi. 

Uchrashuvda deputat tibbiyot xodimlari bilan muloqot qilib, ularning faoliyatida uchrayotgan muammolar, mavjud ehtiyojlar hamda aholiga xizmat ko‘rsatishdagi dolzarb masalalar bilan tanishdi. Shuningdek, mahalla fuqarolarining sog‘lom turmush tarzini targ‘ib etish, profilaktik ko‘riklarni kengaytirish va kasalliklarning oldini olish borasidagi ishlar muhokama qilindi.

Tadbir chog‘ida deputat tomonidan aholining, ayniqsa, bolalar, keksalar va nogironligi bo‘lgan shaxslarning sog‘lig‘ini muhofaza qilish masalalariga alohida e’tibor qaratildi.

Deputat ta’kidlashicha, sog‘lom jamiyat — taraqqiyot garovidir. Shu bois joylarda tibbiyot muassasalari faoliyatini muntazam o‘rganish va ularning samaradorligini oshirishga qaratilgan chora-tadbirlar doimiy e’tiborda bo‘lishi lozim.